لا تنسوا يوم عيد ميلاده 4 5
قولولوا كل سنه وانت كالعادة في الفساد ليك الريادة سلب ونهب وقمع وسجن وابادة ورعيتك جعانة مقهورة سلبية منقادة وجواز عتريس باطل من فؤادة
خلوا هذه القصيدة كارت تهنئة تبعتوها لاي حد تهنوه بنهاية سنة طين وبداية سنة زفت
يالله حالا بالابالا حيو ابو الفساد
عيد ميلاده الليلة الليلة اسود الاعياد
فليقط ابو الفساد فليسقط ابو الفساد
النهاردة عيد ميلاده
يوم منيل يوم مقندل
يا بشاعته على شعب مصر ويا سواده
النهاردة عيد ميلاده
يالله يا ولاد باركوا فساده واستبداده
اللي يرقص اللي يغني اللي يهلل
كل واحد حسب اجتهاده
إياكم حد يبكي حد يعدد حد يندد بطغيانه واضطهاده
النهاردة بالذات يوم غير كل ايام ربنا
فاذكروا محاسن رئيسكم إياكم انتقاده
مش هو برضه الاهنا واحنا عباده
هنقدم له مصر هدية عيد ميلاد
ونقوله :ـ
كل سنة وانت جبار
غدار
منشار
جزار
في قلب مصر مسمار
معيشها ف مرار
وباختصار
مصر احسنت الاختيار
في رئيس
ما شاف قرش إلا واصطاده
وما ساب شيء جميل إلا واباده
والنهاردة عيد ميلادة
كتبها محمد عبيد في 07:02 مساءً ::
لا يوجد تعليق